MTU MMOJA AUAWA KWA KUPIGWA JIWE KICHWANI.WATU WAWILI WASHIKILIWA NA JESHI LA POLISI MKOANI MBEYA KWA TUHUMA ZA MAUAJI.
WATU WAWILI WALIOTAMBULIKA KWA MAJINA YA MAKOJA PIMA (50) NA MARITHA MAZENGO (45) WOTE WAKAZI WA KILOMBERO WALIUAWA KWA KUPIGWA NA GONGO KICHWANI NA MTU/WATU WASIOFAHAMIKA. TUKIO HILO LILITOKEA MAJIRA YA SAA 03:00HRS USIKU WA KUAMKIA LEO HUKO KATIKA KITONGOJI CHA KILOMBERO WILAYANI CHUNYA BAADA YA WATU HAO KUWAVIZIA WAKIWA WAMELALA NA KISHA KUWAPIGA NA GONGO KICHWANI HALI ILIYOPELEKEA KUPOTEZA MAISHA. UCHUNGUZI WA AWALI UNAONYESHA CHANZO CHA MAUAJI HAYO NI IMANI POTOFU ZA KISHIRIKINA. WATUHUMIWA WAWILI WANASHIKILIWA NA JESHI LA POLISI MKOANI MBEYA KWA MAHOJIANO ZAIDI AMBAO NI MWANYI LEPONA (46) MKAZI WA KILOMBERO NA MKWAJU SIMON (25) MKAZI WA MACHINJIONI. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA JAMII KUACHA KUAMINI IMANI POTOFU ZA KISHIRIKINA KWANI ZINA MADHARA MAKUBWA KWA JAMII. AIDHA ANATOA WITO KWA YEYOTE MWENYE TAARIFA ZA MTU/WATU WALIOHUSIKA NA TUKIO HILI AZITOE KATIKA MAMLAKA HUSIKA ILI WAKAMATWE NA SHERIA ICHUKUE MKONDO WAKE.
MTU MMOJA AUAWA KWA KUPIGWA JIWE KICHWANI.
MTU MMOJA ALIYETAMBULIKA KWA JINA LA DESI OMARI (39) MKAZI WA MTAA WA MAPOROMOKO ALIUAWA KWA KUPIGWA JIWE KICHWANI NA BISODI MWANJISI. TUKIO HILO LILITOKEA MAJIRA YA SAA 21:00HRS USIKU HUKO KATIKA MTAA WA MAPOROMOKO WILAYA YA MOMBA BAADA YA MAREHEMU KUMFUMANIA MTUHUMIWA AKIWA NA MKE WAKE AITWAYE FATUMA MSONGOLE (32). MTUHUMIWA ALIKIMBIA MARA BAADA YA TUKIO NA JUHUDI ZA KUMTAFUTA ZINAENDELEA. FATUMA MSONGOLE ANASHIKILIWA NA JESHI LA POLISI KWA MAHOJIANO ZAIDI KUTOKA NA TUKIO HILO. KAMANDA WA POLISI MKOA WA MBEYA KAMISHINA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA MAHALI ALIPO MTUHUMIWA WA TUKIO HILI AZITOE KATIKA MAMLAKA HUSIKA ILI AKAMATWE NA SHERIA ICHUKUE MKONDO WAKE.
Signed by:
[AHMED Z. MSANGI – SACP]
KAMANDA WA POLISI MKOA WA MBEYA.
Post a Comment