Real Madrid waichapa atletico Madrid 4-1 na kuchukua ubingwa wa UEFA mara ya 10...

Real Madrid wametwaa taji la 10 katika mashindano ya UEFA baada ya kuwachapa mahasimu wao Atletico Madrid kwenye fainali iliyofanyika Lisbon nchini Ureno, wakishinda kwa magoli 4-1.

Mechi hiyo iliyopata mshindi katika muda wa ziada, ilionekana kama Atletico wangeshinda mpaka Sergio Ramos aliposawazisha katika dakika za majeruhi.

Kabla ya hapo Diego Godin aliipatia Atletico goli la kuongoza dakika ya 36.

Gareth Bale akafunga goli maridadi kwa kichwa katika muda wa nyongeza kabla ya Marcelo kuongeza la tatu na Christiano Ronaldo kumalizia la nne kwa mkwaju wa penati baada ya kuangushwa ndani ya 18.